1 – Rydym ni’n gweithio’n gyflym
Gyda thîm o bedwar a rhwydwaith eang o gyfieithwyr llawrydd, fe allwch chi ddibynnu arnom ni i ddychwelyd eich gwaith mewn pryd – ac yn gynt na’r disgwyl weithiau.
2 – Rydym ni’n dda gyda geiriau
Rydym ni’n dîm o grefftwyr geiriau ac arbenigwyr iaith sy’n ceisio llunio darn o destun fydd yn denu sylw eich cynulleidfa. Nid cyfieithu geiriau yn unig ydym ni. Rydym ni’n cyfieithu ystyr a naws gan weithio ar rythm a llif brawddeg er mwyn llunio cyfieithiad naturiol sy’n taro deuddeg gyda’ch darllenydd. Wedi’r cwbl – onid dyna ydy hanfod iaith - cyfathrebu?
3 – Rydym ni’n broffesiynol
O’ch galwad ffôn neu’ch e-bost gyntaf hyd i ni ddychwelyd eich gwaith, byddwn yn cydweithio â chi i gwrdd â’ch union ofynion gan gynnig y gwasanaeth gorau posib.
4 – Rydym ni’n cynnig gwerth am arian
Gyda’n model busnes unigryw fe allwn ni gynnig cyfieithiadau fforddiadwy i gleientiaid y sector cymunedol a gwirfoddol gan barhau i gynnig gwerth arbennig am arian i’n cwsmeriaid masnachol hefyd.
5 – Mae gennym ni weledigaeth gymdeithasol
Chawsom ni mo’n sefydlu er budd rhanddeiliaid na chyfarwyddwyr. Fe’n sefydlwyd ni yn hytrach i gyflawni gweledigaeth gymdeithasol:
- Cynnig gwasanaeth fforddiadwy o safon i grwpiau elusennol a chymunedol.
- Ymgyrchu dros ddefnyddio Cymraeg mwy eglur, syml a naturiol yn y diwydiant cyfieithu sy’n fwy triw i natur waraidd, werinol, di-rodres yr iaith.
- Rhoi gwaith i bobl ifanc a’u hyfforddi mewn gwahanol agweddau o gyfieithu, gwaith gweinyddol, gofal cwsmer a rheoli busnes.
- Hyfforddi siaradwyr Cymraeg fel y gallan nhw gynnig gwasanaeth cyfieithu sylfaenol i’w mudiadau a’u cymunedau a dod drwy hynny yn “gyfieithwyr cymunedol” yng ngwir ystyr y gair.
